Suv bilan ozish usullari

Suv – ozdiruvchi eng yaxshi ichimlik

Mana bahor ham kirib, barchamizni xursand qildi. Faqatgina bitta muammodan tashqari: semirgan qomatimizni qishki qalin kiyimlarda yashirgan bo’lsak, endilikda buning iloji yo’q.

Kelishgan va xushbichim qomatni kim ham orzu qilmaydi, deysiz?! Shuning uchun ham bugundan boshlab Zira sizlarga to’g’ri ozish usullari haqida oz-ozdan maslahatlar berib borishga qaror qildi. Buning uchun maxsus parhezlarga o’tishni tavsiya qilmaymiz, chunki parhez tutib 5 kiloga ozsangiz, uni to’xtatgan zahotingiz, 10 kiloga birdan semirishingiz aniq. Suv biz iste’mol qiladigan ichimliklarning ichida eng foydalisi desak, adashmaymiz. Suv organizm uchun foydali bo’libgina qolmasdan, ortiqcha vazndan ham xalos etadi. Qanday qilib deysizmi? Keling, batafsilroq bilib olamiz.
Dietologlarning ta’kidlashlaricha inson bir kunda o’rtacha 1.5 – 2 litr atrofida toza ichimlik suvidan ichishi kerak.

Suvni to’g’ri ichish qoidalari

1. Bir kunda o’rtacha 1.5 litrdan 2.5 litrgacha suv ichish tavsiya qilinadi, lekin undan ko’p emas. Ko’proq ichaman va ikki hissa tezroq ozaman deb organizmingizga zarar yetkazib qo’yishingiz mumkin.
2. Choy, qahva va sharbatlar bunga kirmaydi. Qahva aksincha organizmni suvsizlantirib qo’yadi. Bir finjon qahva ichsangiz, yana bir funjobn ichimlik suvi ham ichishingiz kerak.
3. Suvni ertalab och qoringa iching. Ertalab saharda ichilgan 2 stakan suv sizga 24 kKal dan xalos bo’lishda yordam berar ekan. Bu quvvatni organizm faqatgina suvni hazm qilishga sarflar ekan.
4. Ovqatdan yarim soat oldin suv ichishni odat qiling. Bu bilan siz ishtahangizni ham biroz yo’qotishga erishasiz. Ovqatlanish vaqtida, yoki undan keyin darhol suv ichmang. 1.5 – 2 soatdan keyin suv ichsangiz, oshqozon-ichak faoliyatini yaxshi ishlashini ta’minlagan bo’lasiz.
5. Faqatgina iliq, xona haroratidagi suvdan iste’mol qiling. Sovuq yoki qaynoq suv ichib, oshqozoningizni buzishingiz hech gap emas. Iliq suv to’qlik hissini bag’ishlasa, muzdek suv ichilganda esa miyaga ochlik signali yetkaziladi.
6. Suv terini namlantirib, ajin tushishini sekinlashtiradi. Inson organizmi 70 % suyuqlikdan tashkil topganligi sabab ham, suvni me’yorda ichish teri va organizmning qurib qolishini oldini oladi.

Suvni quyidagi miqdorda ichib, bir oyda 5 kiloga ozishingiz mumkin

Nonushtada. Nonushtadan kamida 20 daqiqa oldin 2 stakan suv iching, lekin bundan ortiq ham, kam ham emas. Nonushta qilib bo’lgach 2 soat hech narsa ichmang.

Tushlikda. Tushlikdan 30-60 daqiqa oldin yana 2 stakan ichimlik suvidan ichimiz. Tushlik vaqtida va ikki soat undan keyin suv ichmaymiz.

Kechki ovqatda. Kechki ovqatlanishdan oldin 1 stakan yoki xohishga qarab 2 stakan suv iching va faqatgina yarim soatdan so’nggina ovqatlaning

Mana uch mahalgina ichilgan suvni hisoblasak 1.5 litr suv ichgan bo’lasiz. Yuqoridagi qoidalarga amal qiling, chiroyli va sog’lom ozing. Asosiysi ozishingizga ishoning va tez orada o’zingiz xohlagan natijaga erishasiz.

Yangidan yangi ma’lumotlarni bizdan kutib qoling va bizning telegram kanalimizga albatta a’zo bo’ling.

Источник

Озиш сирлари, Ибн Сино тавсия этган усуллар

Озиш сирлари, қадимги шарқ табобатида ортиқча тана вазнидан қандай усуллар ёрдамида қутулишган? Буюк табиб Ибн Сино, ўзининг китобларида инсон саломатлигининг барча қирралари ҳақида фикрларини ёзиб қолдирган. Шу жумладан ортиқча вазн тўғрисида ҳам. Унга кўра семизликнинг сабаби одам мижозининг комил эмаслиги, яъни нуқсонга эгалигидир. Инсон табиатининг иссиқлиги, туғма ёки кишининг зарарли одатлари одатлари туфайли совуқлиги билан мувозанати бузилиб, иссиқлик устун кела бошлайди. Организмнинг нозик мувозанати бузилиши эса очлик хиссини кучайишига ва моддалар алмашинувини секинлашувига олиб келади. Моддалар алмашинуви секинлашуви эса организмда ортиқча ёғларни тўпланишига сабаб бўлади.

Қандай қилиб семизни ориқ қилиш тўғрисида

Бунинг учун қуйидаги чораларни қўлламоқ зарур: озиқни меъдадан ичакка тушишини тезлаштиришади, бунга сабаб шуки ингичка томирлар [озиқни] сўриб олишга улгурмасин. Катта ҳажмда таом тановул қилинсин, бироқ тўйимсиз бўлсин. Овқатланишдан олдин ҳаммомда доимо чўмилиш, қисқа ва тез жисмоний машқларни бажариш лозим. Сўрувчанлик хусусиятига эга бўлган мойларни суртиб, баданни енгил уқалаш. Доривор воситалардан эса кичик атрифия, лакка ва теряк бериш жоиз.
Абу Али ибн Сино. Тиб қонунлари 1-жилд

Тиб қонунларида кўрсатилган дориларни аксариятини ҳозирги вақтда топишнинг иложиси йўқ. Юқоридаги ёзилган воситалардан ҳам ҳозирги вақтда фойдаланилмайди. Лекин улуғ шифокор кўрсатмаларини замонавий шароит мослаб ўгириб, амал қилса бўлади. Озиш учун моддалар алмашинуви тезлаштирувчи қуйидаги тафсияларга риоя қилиш зарур.

Озиш сирлари. Амал қилиш керак бўлган тавсиялар

1. Шакар ва секин ҳазм бўлувчи таомларни истеъмол қилишни чеклаш

Овқатни организмда юришини тезлаштириш учун, ортиқча ҳеч нарса қилиш шарт эмас. Озиш сирлари орасида энг оддийси, бу қоида бор йўғи ошқозонда узоқ ушланиб қоладиган маҳсулотларни истеъмол қилмаслик зарур. Бундай таомларга унли, гурунчли, донли маҳсулотлар киради. Танада ёғ масса кўпайиши киши кўп ёғли таом тановул қилаётганидан эмас балким, кўпроқ углевод, шакарларни истеъмол қилаётганини кўрсатади. Жуда кам ёғ истеъмол қилиб ҳам, ёғ босиб семириш мумкин. Чунки углеводлар организмда биокимёвий йўл орқали захира ёғларга айланиш хоссасига эга. Углевод энг кўп шакар ва ширинликларда, ундан ташқари катта миқдорда нон, макарон, дон, гурунч, картошка маҳсулотларида бўлади. Яна шакар газланган яхна ичимликларга, пакетланган сокларга, чипсларга, соусларга қўшилади.

2. Кўпроқ сабзавот ва мевалар истеъмол қилиш

Мева ва сабзавотлар озимоқчи бўлганларга энг яқин ёрдамчи.

Бу маҳсулотларда сақланувчи фойдали озиқалар, клетчатка каби моддалар ҳажми катта бўлса ҳам, паст энергетик қийматга эга. Шу сабабли уларни катта миқдорда ейиш мумкин. Ундан ташқари кўпчилик сабзавотлар организмни тозалаш хуссусиятига эга.

3. Кўпроқ оқсил маҳсулотлари

Озиқа маҳсулотларида ичида оқсиллар энг катта аҳамиятга эга, ер юзидаги барча тирик мавжудотлар тўқималари улардан тузилган. Озиш сирларидан бири бу ўзида катта миқдорда оқсилларни сақловчи маҳсулотларни кўпроқ истеъмол қилишдир. Кўпинча организм оқсилларни ўзлаштириш учун, уларни ҳазм бўлишидан ҳосил бўладиган энергиядиган кўпроқ куч сарфлайди. Ўртача олганда юқори оқсилли диета кунига 100-150 ккал кўпроқ йўқотади.

Бундан ташқари оқсилли овқатлар узоқ вақт тўқ сақлаши оқибатида, кун давомида умумий ейилган овқат массасини камайишига сабаб бўлади.

Таркибида кўп миқдорда оқсил сақловчи маҳсулотлар:

• Гўшт
• Сут маҳсулотлари
• Товуқ тухуми
• Балиқ ва денгиз маҳсулотлари
• Донлар
• Дуккаклилар (нўхот, арахис)

4. Овқатланиш тартиби

Озиш сирлари ичида овқатланиш тартиби алоҳида муҳим ўринга эга. Масалан бугунги кундаги кечки овқат ва эртанги кундаги нонушта орасида камида 8 соат фарқ бўлиш керак. Организмга, ҳазм тизимига тин олишга етарли вақт берилиши керак. Бироз миқдорда ортиқча овқатланаётган киши, агарда таом қабул қилиш вақтлар орасидаги муддатлар узоқлигига амал қилса, семириб кетиш хавфидан анча йироқда бўлади. Ва яна пала-партиш кўчада ва йўлда овқатланишдан бош тортиш керак бўлади.

Тезроқ озиш иштиёқида бўлсангиз қийинроқ ҳазм бўладиган, лекин тўйимсиз таомлар билан ўзингизни қийнашга тўғри келади. Қанча кўп ҳажмда бўлса шунча яхши. Булар кам калорияли лекин оқсил миқдори кўп бўлган маҳсулотлар. Улар қуйидагилар.

1. Ёғсиз кефир;
2. Пишлоқ;
3. Творог;
4. Товуқ тухумлари,
5. Чучук сув балиқлари;
6. Оз калория гўшти (оқ товуқ, курка, қуён) ;

Эсдан чиқармаслик зарур овқат ҳазм қилишга энергия сарфланади. Углеводларни парчалашга энг кам энергия кетади ва бир вақтнинг ўзида улардан ҳазм жараёнида энг катта энергия чиқади. Оқсилларда бунинг акси кузатилади.

5. Жисмоний машқларнинг озишда аҳамияти

Вазн камайтиришда жисмоний машқларга ҳам эътибор қаратиш лозим. Бунинг учун алоҳида машқлар шарт эмас. Ҳаёт тарзини ўзгартиришнинг ўзи кифоя. Кўпроқ пиёда юриш, уй юмушларида қарашиш. Ўтроқ ҳаёт тарзидан воз кечиш. Қайноқ ҳаммом ва массаж яхши натижа беради. Махсус косметик эфир мойлари билан бадан уқаланса унда қон айланиши яхшиланиб, зарарли маҳсулотлар тер билан бирга чиқиб кетади.

Бу озиш ҳақида маълумотлар эди, эътиборингиз учун раҳмат.

Источник